Tadbir kunlari viloyatga Rossiya va Ozarbayjonning mashhur kinoyulduzlari, shuningdek, el ardog‘idagi o‘zbek kinoijodkorlar tashrif buyuradi.
Shu kunlarda viloyat bo‘ylab ijodiy uchrashuvlar va bir qator yangi filmlar premerasini o‘tkazish rejalashtirilgan.
–Asosiy tadbirlarning ochilishi Buxoro shahridagi “Buxoro” kinoteatrida 16-17 sentyabr kunlari soat 17:30 da bo‘lib o‘tadi, – deydi O‘zbekiston Kinematografiya agentligi viloyat bo‘limi rahbari Ali Choriyev.
– Bunda xorijiy va mahalliy kinoijodkorlar bilan uchrashuv va yangi filmlar namoyishi viloyatdagi barcha kinoteatr va kinozallarda o‘tkaziladi. Kirish mutlaqo bepul. Barchani Ma’naviyat bayramiga taklif etamiz.
Zarif Komilov, O‘zA
