ТОШКЕНТ, 28 декабрь. /«Дунё» АА/. Бугун, 28 декабрь – Халқаро кино куни, деб хабар бермоқда «Дунё» АА мухбири.
1895 йил Париж шаҳри, Капуцин майдонидаги «Гранд-кафе»да ака-ука Луи ва Огюст Люмерлар томонидан суратга олинган илк кино намунаси томошабинларга намойиш қилинган эди.
Комедия жанрида яратилган ушбу овозсиз фильм «Шалаббо бўлган суғорувчи» деб номланган. Унда боғбон ролини илк француз актёри Франсуа Клер ижро этган. Шундан буён мазкур сана дунёнинг қатор мамлакатларида Халқаро кино куни сифатида нишонланади.
Ўзбекистонда кинематографиянинг дунёга келиши машҳур ўзбек фотографи ва режиссёри Худойберган Девонов номи билан боғлиқ. У 1910 йил ўзбек киноси тарихидаги илк ҳужжатли лавҳаларни тасвирга олган. Унда Хива хони Асфандиёрхоннинг шаҳар кўчаларидаги сайри акс этган.
?лк ўзбек бадиий фильми “Ажал минораси” 1925 йил суратга олинган.
