ТОШКЕНТ, 17 декабрь. /«Дунё» АА/. Тошкент шаҳрида ўтказилган «Ўзбекистоннинг маданий мероси – янги Ренессанс пойдевори» анъанавий маданий мерос конгресси иштирокчиларининг кеча «Ўзбекфильм»га ташрифи бўлиб ўтди, деб хабар бермоқда «Дунё» АА мухбири «Ўзбеккино» миллий агентлиги маълумотига таяниб.
Ушбу анжуманда расмий доиралар ва халқаро ташкилотлар вакиллари, 40 дан ортиқ мамлакатдан 300 дан ортиқ мутахассис ва эксперт иштирок этди.
Конгресс иштирокчилари «Ўзбекфильм» киностудиясининг реконструкция қилинган биноси имкониятлари билан танишди.
