Р?ГА, 15 март. /«Дунё» АА/. Президент Шавкат Мирзиёевнинг ?қтисодий ҳамкорлик ташкилоти (?ҲТ) 14-саммитидаги нутқи мазмун-моҳияти ва аҳамияти Латвия сиёсий, эксперт ва жамоат доираларининг эътиборида бўлиб турибди. Жумладан, Латвия транспорт ва коммуникациялар институти транспорт ва менежмент факультети декани ?нна Стеценко «Дунё» ААга берган интервьюда Ўзбекистон раҳбарининг нутқи ?ҲТ доирасидаги минтақавий ҳамкорликнинг бугунги ҳолати ва истиқболлари ҳақида тўла тушунча беришига эътибор қаратди.
Унинг сўзларига кўра, Ўзбекистон Президенти ?ҲТнинг 14-саммитида кенг кўламли масалаларни муҳокама қилиш билан бирга транспорт коридорлари, шу жумладан, Европа мамлакатлари томон йўналишларни ривожлантиришга алоҳида эътибор қаратган.
Таъкидланганидек, айнан транспорт соҳаси Латвия-Ўзбекистон ҳамкорлигининг устувор йўналишларидан биридир. Чунки икки мамлакат ҳам Евроосиё транзит йўлагининг муҳим таркибий қисми ҳисобланади.
Ўзбекистон стратегик жойлашуви туфайли Е? мамлакатлари учун Жанубий Осиё ва Яқин Шарқнинг макро минтақасига кириш имкониятини очиши мумкин. Шунингдек, Латвия портлари ўзбек товарларининг кенг бозорларга чиқиши учун «шимолий йўлак» бўлиб хизмат қилади.
Латвиялик мутахассиснинг таъкидлашича, Ўзбекистон раҳбарининг ташаббусини амалга ошириш мамлакатга GSP+ бенефициар мақомини олиш истиқболлари билан бир қаторда Марказий Осиё транспорт коридорлари ва транзит-логистика салоҳиятини тўлиқ амалга оширишга имкон беради. ?нна Стеценконинг сўзларига кўра, янги «Мозори-Шариф - Кобул – Пешовар» темир йўлининг қурилиши ҳам ушбу мақсадларга хизмат қилади.
Шунингдек, у Ўзбекистон Президентининг карантин даврида мамлакатлар томонидан ўрнатилган савдо ва транспорт чекловларини олиб ташлаш, БМТнинг Озиқ-овқат ва қишлоқ хўжалиги ташкилоти билан биргаликда ишлаб чиқишга қаратилган ташкилотнинг озиқ-овқат хавфсизлиги соҳасидаги янги дастури бўйича таклифларининг долзарблигини таъкидлади.
?нна Стеценко Ўзбекистон Президентининг ташаббуслари халқаро ҳамжамият томонидан қўллаб-қувватланишига ишонч билдирди.
