ТОШКЕНТ, 9 август. /«Дунё» АА/. Жорий йилнинг биринчи ярмида Ўзбекистон МДҲ давлатлари орасида енгил автомобиллар ишлаб чиқариш бўйича етакчи ўринни эгаллади, деб хабар бермоқда “Дунё” АА мухбири.
Россиянинг "Промрейтинг" таҳлил агентлиги маълумотларига кўра, «UzAuto Motors» (Ўзбекистон) компанияси жорий йилнинг январь - июнь ойларида 160 мингта, ундан кейин "АвтоВАЗ" (Россия) – 80 мингта ва "Hyundai Motor Manufacturing Rus" (Россия) - 40 мингта енгил автомобил ишлаб чиқарган.
2021 йил натижаларига кўра, МДҲ мамлакатларида енгил автомобиллар ва енгил тижорат автомобилларини ишлаб чиқариш бўйича Россия (1,4 миллион автомобил) ва Ўзбекистон (236 минг) биринчи икки ўринни эгаллади, ундан кейинги ўринлар Қозоғистон (93 мингта, юк машиналар ва автобуслар билан бирга), Беларусь (тахминан 35 минг) ва Озарбайжонга (2 минг) тегишли.
