СEУЛ, 23 март. /«Дунё» АА/. Бугун Ўзбекистоннинг Жанубий Кореядаги элчихонаси ходимлари «KORU Pharmaceuticals Co., Ltd.» компанияси бош ижрочи директори Роман Вернидуб билан учрашди, деб хабар бермоқда «Дунё» АА мухбири.
2014 йилда Сеулда ташкил этилган «KORU Pharmaceuticals Co., Ltd.» тиббий-эстетик ва косметик воситалар ишлаб чиқаришга ихтисослашган. Компаниянинг АҚШ ва ?спания тадқиқот компаниялари билан яқин ҳамкорлик қилувчи ўз илмий-тадқиқот маркази мавжуд. Айни пайтда компания 200 га яқин турдаги маҳсулотни 80 дан ортиқ мамлакат, шу жумладан, Ўзбекистонга экспорт қилади.
Музокаралар давомида Роман Вернидуб «KORU Pharmaceuticals Co., Ltd.» МДҲ давлатларининг Сеул шаҳридаги элчихоналарига Жанубий Кореянинг «CALTH» компанияси томонидан COVID-19ни аниқлаш бўйича экспресс-тестларни тақдим этиш орқали инсонпарварлик акциясини ўтказаётганини билдирди. Бундан кўзланган мақсад коронавирус пандемияси пайтида дипломатик ваколатхоналар фаолиятини қўллаб-қувватлашга қаратилган.
«KORU Pharmaceuticals Co., Ltd.» раҳбари COVID-19ни аниқлаш учун 500 та экспресс-тест тўпламини Ўзбекистон элчихонасига тақдим этди. Шунингдек, у дипломатик миссиянинг ушбу гуманитар ёрдамни Қорақалпоғистонга юбориш ҳақидаги таклифини қўллаб-қувватлади. Компания бундан кейин ҳам республика ҳудудларини фаол қўллаб-қувватлашни давом эттириши маълум қилинди.
?нсонпарварлик кўмаги «Uzbekistan Airways»нинг навбатдаги рейси билан Ўзбекистонга юборилади.
