ТОШКЕНТ, 20 февраль. /«Дунё» АА/. Ўзбекистон давлат статистика қўмитаси маълумотига кўра, 2021 йилнинг 1 февраль ҳолатига республикамизда жами 46 минг 956 та оилавий корхона рўйхатдан ўтган бўлиб, улардан 43 минг 853 таси фаолият юритмоқда, деб хабар бермоқда «Дунё» АА мухбири.
Ҳудудлар кесимида фаолият юритаётган оилавий корхоналарнинг сони қуйидагича: Самарқанд вилояти (6 минг 874 та), Фарғона вилояти (5 минг 149 та), Сурхондарё вилояти (4 минг 831 та), Тошкент вилояти (3 минг 880 та), Навоий вилояти (3 минг 694 та), Хоразм вилояти (3 минг 663 та), Тошкент шаҳри (3минг 360 та), Бухоро вилояти (2 минг 891 та), Андижон вилояти (2 минг 649 та) Қашқадарё вилояти (2 554 та), Қорақалпоғистон Р. (1минг 632 та), Жиззах вилояти (1минг 355 та), Наманган вилояти (990 та) Сирдарё вилояти (331 та).
