ТОШКЕНТ, 6 февраль. / “Дунё” АА/. “Ўзбеккино» Миллий агентлиги, Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти, ?талиянинг Ўзбекистондаги элчихонаси ҳамкорлигида ?бн Синонинг Болонья кутубхонасида сақланаётган қўлёзмасининг факсимиле нашри чоп этилади ва у ҳақда ҳужжатли фильм суратга олинади, деб хабар қилмоқда “Дунё” АА мухбири “Ўзбеккино” МА маълумотига таяниб.
Бу ҳақда Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти раиси Ф.Абдухолиқов ва ?талия Республикасининг Ўзбекистондаги элчиси Андрео Бертоцци учрашувида маълум қилинди. Шунингдек, “Ўзбекистон маданий мероси дунё тўпламларида” туркумидан ?талияда сақланаётган маданий меросимиз дурдоналари ҳақида китоб-альбом ва фильм яратиш ҳақида ҳам сўз борди.
– Биз ана шу йирик лойиҳани амалга ошириш учун ёрдам кўрсатишга тайёрмиз, - деди А.Бертоцци. – Таниқли шарқшунос олимлар билан алоқа ўрнатиш учун ?талия музейларига мурожаат қиламиз. Хусусан, Неополь шарқшунослик университети (Università degli Studi di Napoli "L'Orientale") билан мустаҳкам алоқа ўрнатганмиз. Римдаги Ла Сапиенца университети олимлари Самарқандда тадқиқот олиб боришмоқда. Ушбу олимлар билан ҳамкорлик келгусида Ўзбекистоннинг ?талиядаги маданий мероси дурдоналарини тадқиқ этишда ҳам ўз самарасини беришига умид қиламиз
Дипломатнинг таъкидлашича, ўрта асрларда Марко Полонинг саёҳатлари, Венеция ва Генуя савдогарларининг Буюк ипак йўлидаги савдо карвонлари Ғарб ва Шарқ ўртасида кўприк вазифасини ўтаган.
Шу билан бирга, ?талияда медиа-ивентлар ўтказиш масаласи ҳам муҳокама қилинди.
- Жорий йил лойиҳамиз доирасида буюк боболаримиз, хусусан, Абу Али ибн Сино мероси ҳақида янги фильмлар суратга олиш, китоб-альбомлар чоп этиш кўзда тутилган, - деди Ф.Абдухолиқов. – Жумладан, Британиянинг Clan Production студияси билан Би-Би-Си телеканали учун ?бн Сино ҳақида фильм суратга олиш режалаштирилган. Шунингдек, улуғ алломанинг жаҳондаги қатор кутубхоналарда сақланаётган қўлёзмалари ҳақида фотоальбом ва фильм яратишни ҳам кўзда тутганмиз. Бу лойиҳалар «?бн Сино-Франция» жамияти ва Eriell Group компанияси кўмагида амалга оширилади. Болонья университетида сақланаётган мазкур қўлёзманинг факсимилеси доимий ҳамкорларимиздан бири Австриянинг Mueller&Schindler нашриётида тайёрланади.
