ТОШКЕНТ, 19 август. /«Дунё» АА/. Коронавирусга қарши кураш штаби аъзоси, эпидемиолог Рустам ?кромовнинг сўзларига кўра, ҳар йили куз ва қиш фаслида ҳаво томчи орқали юқадиган касалликларнинг қўзғалиши кузатилади. Шу сабабли Ўзбекистонда аҳолини сентябрь ойидан бошлаб грипп ва пневмонияга қарши эмлаш бошланади, деб хабар бермоқда «Дунё» АА мухбири.
— Бу шифокорлар тилида микст-инфекция дейилади яъни қўшилиб касаллик чақириши мумкин бўлган ҳолат кузатилиши мумкин. Грипп ва пневмония чақирувчи вирусли касалликларни коронавирус билан биргаликда келиши вируснинг кучайиши ва бундан ҳам оғирроқ даражага олиб келишини тахмин қилиш мумкин, – деди Рустам ?кромов.
Унинг алоҳида таъкидлашича, айни кунларда грипп ва пневмонияга қарши эмлаш учун ҳукумат даражасида керакли чора-тадбирлар олиб борилмоқда. Вакциналарни четдан олиб келиш ва жойларда эмлаш пунктларини ташкил қилиш ишлари юзасидан чора-тадбирлар ишлаб чиқилган. Бу ишлар сентябрь ойидан бошланади.
