ТОК?О, 19 август. /«Дунё» АА/. Мамлакатимизнинг Япониядаги элчихонаси Президентимизнинг 2019 йил декабрь ойида Японияга олий даражадаги ташрифи давомида эришилган келишувларни амалга ошириш бўйича ишларни изчил давом эттирмоқда.
Хусусан, куни кеча Ўзбекистон-Япония иқтисодий ҳамкорлик қўмиталарининг навбатдаги йиғилишини ўтказиш масаласини ўрганиш мақсадида Ўзбекистоннинг Япониядаги элчиси Ғайрат Фозилов қўмита Котибиятининг Япония бўлими бошлиғи Мика Важима ва «Мицубиши Корпорэйшн» компанияси халқаро бўлими катта маслаҳатчиси Хироказу Саито билан онлайн учрашув ўтказди, деб хабар бермоқда «Дунё» АА мухбири.
Мулоқот чоғида қўшма инвестиция лойиҳаларини амалга оширишни рағбатлантириш масалалари муҳокама қилинди.
Музокаралар натижасида ?қтисодий ҳамкорлик бўйича Ўзбекистон-Япония ва Япония-Ўзбекистон қўмиталари Котибиятларининг қўшимча онлайн йиғилишини ташкил этиш тўғрисида келишувга эришилди. Бундан ташқари, кейинги йиғилишни 2021 йилнинг биринчи чораги охирида Тошкентда ўтказиш бўйича қарорга келинди.
