ТОШКЕНТ, 30 июль. /«Дунё» АА/. 31 июль – Қурбон ҳайити муносабати билан хорижий давлатларнинг Ўзбекистондаги элчилари байрам табрикларини йўлламоқда.
Аҳмад Саид ал Катари, Ўмон Султонлигининг Ўзбекистондаги Фавқулодда ва мухтор элчиси:
– Ассалому алайкум!
Муборак Қурбон ҳайити билан ўз номимдан ва Ўмон Султонлигининг Тошкентдаги элчихонаси номидан дўст Ўзбекистон халқига, хусусан, Шавкат Мирзиёев Жаноби Олийларига энг эзгу тилаклар ва табрикларимни йўллашдан беҳад мамнунман.
Аллоҳ таолодан бу ерларни, бутун дунёни муборак қилишини ва коронавирус пандемиясидан халос этишини сўраб, барчамизга сиҳат-саломатлик, бахт-саодат ва тинчлик ато этишини тилайман.
Байрамингиз муборак бўлсин!
