ТОШКЕНТ, 3 август. /«Дунё» АА/. “AllTrip.uz” компанияси «Windrose» авиакомпанияси билан ҳамкорликда Украинадан Ўзбекистонга қайтиш истагида бўлган йўловчилар учун Киев – Харьков – Тошкент – Киев йўналишида чартер қатновини амалга оширади, деб хабар бермоқда «Дунё» АА мухбири Ўзбекистон Республикаси Транспорт вазирлиги ахборот хизмати манбасига асосланиб.
Ўзбекистон фуқароларини ватанга олиб келиш учун Киев – Харьков – Тошкент чартер рейси жорий йилнинг 5 август кунига белгиланган.
Тошкент – Киев йўналишидаги чартер парвози эса 6 август куни амалга оширилади.
«Авиачипта нархлари ва парвоз бўйича батафсил маълумотларни +998 78 140-00-00 телефон рақами орқали олиш мумкин», дейилади транспорт вазирлиги манбасида.