Prezidentimiz Shavkat Mirziyoyev tomonidan O‘zbekiston va Xitoy hududlari o‘rtasidagi o‘zaro munosabatlar ko‘lamini kengaytirish yuzasidan mamlakatimizning Pekindagi elchixonasi oldiga qo‘yilgan vazifalarni amalga oshirish tadbirlari hamdao‘zaro aloqalarni yanada rivojlantirish maqsadida qabul qilingan “Yo‘l xaritasi”ni hayotga izchil tadbiq etish doirasida Farg‘ona viloyati hokimi Sh.G‘aniyev boshchiligidagi delegatsiyaning Xitoyga amaliy safari tashkil etildi.
Mamlakatimizning Seul shahridagi Elchixonasi bergan ma’lumotlarga ko‘ra 2019-yil 29-may kuni O‘zbekiston fuqarosi Alisher Jovliyev qurilayotgan binoning yuqori qavatidan tushib ketgan va og‘ir ahvolda “Kangvon” universiteti kasalxonasiga olib borilgan.
27-29-may kunlari O'zbekiston delegatsiyasi Saudiya Arabistonining Jidda shahrida bo’lib o’tayotgan Islom hamkorlik tashkilotining (IHT) 14-sammiti doirasida tashkilotga a'zo davlatlarning yuqori lavozimli mulozimlari va tashqi ishlar vazirlarining uchrashuvlarida qatnashmoqda.
Malayziyaning Perlis shtatida joylashgan Kangar shahri masjidlarida o‘zbekistonlik qorilar tomonidan tarobix namozlari o‘qildi.
Tadbirlar O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita va mamlakatimizning Malayziyadagi elchixonasi hamkorligida O‘zbekistonning Malayziyadagi ziyorat turizmi bo‘yicha elchisi va Perlis shtati muftiysi Mohd Asri Bin Zaynul Obiddin ko‘magida tashkil etildi.
Germaniya Federativ Respublikasi Federal Prezidenti Frank-Valter Shtaynmayerning 27-29 may kunlari O‘zbekistonga amalga oshirayotgan rasmiy tashrifi Germaniya OAVlarida keng yoritilmoqda.
Toshkent shahar hokimi o‘rinbosari Shuhrat Turdiqulov boshchiligidagi poytaxtimiz hokimiyati delegatsiyasi Tokio xalqaro merlar urbanistik sammitida ishtirok etdi. Unda urbanizatsiya, tabiiy ofatlarga qarshi kurashish va favqulodda vaziyatlar oqibatlarini bartaraf etish masalalari muhokama qilindi.
Yurtimizda bo‘lib qaytgan har qanday chet ellikning xotirasida, eng avvalo, o‘zbek halqining mehmondo‘stligi, dasturxonimizning ochiqligi, taomnomamizning rang-barangligi hamda ovqatlarimizning betakrorligi muhrlanib qolishi hech kimga sir emas. Bu omil ko‘pchilik xorijliklarning yurtimizga yana qaytib kelishlarida, biz bilan savdo-iqtisodiy aloqalarini yo‘lga qo‘yishlarida ham muhim o‘rin tutadi.
O‘zbekistonning Rim shahridagi Elchixonasi bergan ma’lumotga ko‘ra 2019-yilning 22-may kuni Florensiyadan Sienaga (Italiya) borish yo‘lida ichida turistlar bo‘lgan avtobusning halokatga uchrashi natijasida jabrlanganlar orasida O‘zbekiston fuqarolari yo‘q.
Mamlakatimizning Ozarbayjondagi Elchixonasi ma’lumotlariga ko‘ra 2019-yilning 16-may kuni Toshkent shahridan Boku shahriga kelgan O‘zbekiston fuqarosi Muratov Baxodir Maxamadaminovich, 20.02.1974-y.da tug‘ilgan, 19-may kuni vafot etdi.
Mamlakatimizning Qozog‘istondagi Elchixonasi ma’lumotiga ko‘ra 2019-yilning 19-may kuni taxminan soat 18.00da Mang‘istau viloyati “Beyneu-Tajen” avtomagistralining 82-kilometrida ichida 7 ta odam, jumladan 4 nafar O‘zbekiston fuqarosi joylashgan “Lada Largus” yengil avtomobili ishtirokida yo‘l-transport hodisasi sodir bo‘ldi.
