O‘zbekistonning Sankt-Peterburg shahridagi (Rossiya) Bosh konsulxonasi bergan ma’lumotlarga ko‘ra vasiylik organlari qaroriga binoan ikki yashar o‘g‘li bolalar kasalxonasiga berilgan mamlakatimiz fuqarosi M.J. 2019-yilning 29-aprel kuni Bosh konsulxonaga taklif etildi.
2019-yilning 30-aprel kuni bir qator OAVda Tula viloyatining Uzlovaya shahrida (Rossiya) O‘zbekiston fuqarosining o‘ldirilganligi to‘g‘risida axborot tarqaldi. Mamlakatimizning Moskva shahridagi Elchixonasi Konsullik bo‘limi tomonidan olingan dastlabki ma’lumotlarga ko‘ra Rossiya Federatsiyasi Jinoyat kodeksining 105-moddasi 1-qismida (odam o‘ldirish) ko‘zda tutilgan jinoyat alomatlari bo‘yicha jinoyat ishi ochilgan. Mazkur qotillikni amalga oshirganlikda gumonlanayotgan 34 yoshli erkak qo‘lga olingan.
Mamlakatimizning Qozon shahridagi Bosh konsulxonasi ma’lumotiga ko‘ra 2019-yilning 27-aprel kuni Saratov viloyatining Rtishev tumanida O‘zbekiston davlat raqami 90 J 085 LA bo‘lgan “Lada Largus” avtomobili ishtirokida yo‘l-transport hodisasi ro‘y bergan.
2019-yilning 25-aprel kuni Qozog‘istonning Atirau viloyati Politsiya departamentining Ekstremizmga qarshi kurash boshqarmasi ma’lumotiga tayanib OAVda Atirau shahrining huquqni muhofaza qilish idoralari tomonidan bir guruh shaxslar qo‘lga olingani haqidagi habar tarqaldi. Ushbu guruh 16-aprel kuni O‘zbekiston fuqarosi S.Y.ni o‘g‘irlagani va uning do‘sti O‘zbekiston fuqarosidan 300 ming tenge miqdoridagi pul olgani aytilmoqda.
O‘zbekistonning Olmaota shahridagi Bosh konsulxonasi ma’lumotiga ko‘ra, 2019-yil 20-aprel kuni Jambil viloyatida ro‘y bergan YTH natijasida vafot etgan O‘zbekiston fuqarolari U.Abduxalikov, A.Kalmuratov, D.Yermekbayeva jasadlari qarindoshlari tomonidan shaxsi aniqlashtirilib, Bosh konsulxona xodimlari tomonidan rasmiylashtirilganidan so‘ng qarindoshlari hamrohligida 2019-yil 22-aprel kuni “Jibek Joli” – “G‘isht Ko‘prik” nazorat-o‘tkazish punkti orqali O‘zbekistonga yetkazildi.
Olma-ota shahridagi Bosh konsulxona ma’lumotlariga ko‘ra O‘zbekiston Favqulodda vaziyatlar vazirining birinchi o‘rinbosari Abdulla Qo‘ldoshev boshchiligidagi Jabrlanganlarga yordam ko‘rsatish bo‘yicha Hukumat komissiyasi Qorday tumaniga kelganidan va barcha rasmiy jarayonlar tugallanganidan so‘ng 2019-yil 21-aprel kuni soat 2:00 da turli darajada shikastlangan quyidagi fuqarolarimiz reanimobillarda Qozog‘iston hududidan FVV maxsus borti yetib kelgan Bishkek shahriga olib ketildi:
2019-yil 20-aprel kuni soat 05:09da Qozog‘iston Respublikasi Jambul oblasti Korday tumanidan o‘tuvchi “Chimkent-Olmaota” yo‘nalishidagi avtomobil yo‘lining 181 kilometrida salonida 49 nafar yo‘lovchi bo‘lgan avtobus yo‘l transport hodisasiga uchragan. Sodir bo‘lgan yo‘l transport hodisasi oqibatida 11 nafar fuqaro vafot etgan bo‘lib, ulardan 3 nafari O‘zbekiston Respublikasi fuqarolari bo‘lgan. Vafot etgan fuqarolar: 1. Abduxalikov O‘rinboy Mirxamid o‘g‘li – 04.11.1993y.t. Toshkent viloyati Oxangaron tumanida istiqomat qilgan. 2. Ermekbaeva Dilorom Abdukalikovna – 22.12.1972y.t. Toshkent viloyati Quyichirchiq tumanida istiqomat qilgan. 3. Kalmuratov Alisher Safarbaevich – 03.12.1988y.t. Toshkent viloyatida istiqomat qilgan.
O‘zbekistonning Olma-ota shahridagi Bosh konsulxonasi Jambil viloyati Qorday tumani IIB ma’lumotlariga tayanib aniqladiki, 2019-yil 20-apreldagi yo‘l-transport hodisasi natijasida quyidagi O‘zbekiston fuqarolari turli darajadagi jarohatlar olgan (ro‘yxat Qozog‘iston tomonidan kirill alifbosida taqdim etilgan):
Oʻzbekiston Respublikasi Prezidentining
qarori
