ТОШКЕНТ, 18 февраль. /«Дунё» АА/. Пайшанба куни Ўзбекистонда коронавирус инфекцияси қайд этилганлар сони 51 тага ортиб, умумий касалланганлар 79 минг 548 нафарни ташкил этмоқда, деб хабар бермоқда «Дунё» АА мухбири.
Соғлиқни сақлаш вазирлиги маълумотига кўра, кеча 66 киши ушбу касалликдан фориғ бўлган. Айни пайтда юртимизда 78 минг 59 нафар бемор коронавирусдан бутунлай соғайган.
Ҳозир мамлакатимизда 867 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 153 нафари оғир, 28 нафари эса ўта оғир аҳволда.
