ТОШКЕНТ, 3 ноябрь. /«Дунё» АА/. Душанба куни мамлакатимизда коронавирус инфекциясини юқтирганларнинг сони 67 минг 395 кишига етди, ўтган бир кеча-кундузда яна 239 та касаллик ҳолати қайд этилган, деб хабар бермоқда «Дунё» АА.
?нфекция юқтирган 265 нафар бемор буткул соғайган ва тиббиёт муассасаларидан чиқарилди (тузалганларнинг умумий сони 64 минг 671 ташкил этмоқда).
Соғлиқни сақлаш вазирлиги бир кунда уч киши вафот этганини расман тасдиқлади (COVID-19 дан вафот этганлар сони 573 тага етди).
Айни пайтда тиббиёт муассасаларида даволанаётган 2 минг 151 нафар бемордан 260 нафари оғир, 69 нафари эса ўта оғир аҳволда.
