АНҚАРА, 29 июль. /"Дунё" АА/. Бугун Тошкент вақти билан соат 19.25 да (Туркия пойтахтида - 18.25) Анқарадан Тошкентга тўғридан-тўғри чартер рейс Ўзбекистон фуқаролари билан учиб кетди, деб хабар бермоқда "Дунё" АА мухбири.
Мамлакатимизнинг Анқарадаги элчихонаси маълумотига кўра, самолёт бортида ҳукумат делегацияси ҳамда пандемия туфайли Туркия ва Ўзбекистонда жорий этилган чеклов чоралари шароитида ватанга қайтишда ёрдам сўраган 228 ватандошимиз бор.
"Ўзбекистон ҳаво йўллари" авиакомпанияси бортида, шунингдек, Туркиядан навбатдаги инсонпарварлик ёрдами (тана ҳароратини масофадан туриб ўлчайдиган ускуналар, COVID-19 билан оғриган беморларни даволашда ишлатиладиган дори-дармонлар, бошқа медикаментлар ва жиҳозлар) ҳам жўнатилди.
Эслатиб ўтамиз, 27 июль куни ?станбулдан Тошкентга 231 нафар Ўзбекистон фуқароси (шу жумладан 2 нафар бола ва 4 нафар хорижий мутахассис) билан қўшимча чартер рейс амалга оширилган эди.
Янгиланган жадвалга мувофиқ, шу ҳафта 30 июль куни ?станбулдан Тошкентга навбатдаги чартер рейс ҳам режалаштирилган.
