ТОШКЕНТ, 26 февраль /«Дунё» АА/. Босния ва Герцеговинанинг Сараево шаҳрида Болалар ҳуқуқларини ҳимоя қилиш бўйича одил судловга эришиш соҳасидаги ютуқларга бағишланган уч кунлик конференция бўлиб ўтмоқда. Унда Ўзбекистон Республикаси Бош прокурори ўринбосари Светлана Ортиқова бошчилигидаги мамлакатимиз делегацияси иштирок этяпти, деб хабар бермоқда «Дунё» АА мухбири.
Мамлакатимиз делегацияси таркибида Олий суд раиси ўринбосари ?кром Муслимов, Бош прокуратура академияси бошлиғининг биринчи ўринбосари Рустам Ғафуров, ?чки ишлар вазирлиги Бош бошқармаси бошлиғи Бахтиёр Бердиалиев, шунингдек, Халқ таълими вазирлиги вакили Суҳроб Холиқов қатнашяпти.
Тадбирда 25 дан ортиқ мамлакат вакиллари ва делегация болалар билан боғлиқ суд ишлари бўйича тажриба алмашмоқда. Анжуманда Светлана Ортиқова Президентимизнинг «?хтисослаштирилган ўқув-тарбия муассасалари фаолиятини тубдан такомиллаштириш тўғрисида»ги қарорида белгиланган вазифалар бўйича маъруза қилди.
Тадбирда Ўзбекистон Республикаси Президентининг қарори асосида ташкил этилган ихтисослаштирилган ўқув юртлари фаолияти иштирокчиларда катта қизиқиш уйғотди.
