ТОШКЕНТ, 11 август. /“Дунё” АА/. Ўзбекистон Республикаси Ҳукуматининг “Papenburg Uzbekistan” Ўзбекистон-Германия қўшма корхонасини ташкил этиш чора-тадбирлари тўғрисида”ги қарори қабул қилинди, деб хабар бермоқда “Дунё” АА мухбири.
Ҳужжатга кўра, Транспорт вазирлиги ҳузуридаги Автомобиль йўллари қўмитаси билан “GP Gunter Papenburg AG” компанияси (Германия) ўртасида Ўзбекистон Республикасида йўл қурилиши учун асфальт-бетон қоришмалар, тайёр бетон буюмлар ишлаб чиқариш, шунингдек, Германия технологиялари ва асбоб-ускуналарини қўллаган ҳолда, қурилиш-монтаж ишларини бажариш бўйича масъулияти чекланган жамияти шаклидаги “Papenburg Uzbekistan” қўшма корхонаси ташкил этилади.