ТОШКЕНТ, 28 апрель. /“Дунё” АА/. «Ўзэлтехсаноат» уюшмасида коронавирус пандемияси туфайли хорижлик инвестор ва бизнес вакиллари билан масофадан туриб видеомулоқот олиб борилмоқда. Хусусан, Япониянинг “Sakura Global Holding Co., Ltd.” компанияси билан ташкил қилинган видеомулоқотда янги туғилган чақалоқлар учун инкубатор ва бошқа тиббиёт технологияларини ишлаб чиқариш бўйича имзоланган келишув ҳолати таҳлил қилинди.
Маълумот ўрнида, Президентимизнинг Япония олий даражадаги ташрифи чоғида мазкур компания вакиллари билан “Ўзэлтехсаноат” уюшмаси ўртасида уч миллион долларлик келишув имзоланган эди.