ТОШКЕНТ, 17 июль. /«Дунё» АА/. Ўзбекистон Республикаси Вазирлар Маҳкамасининг «?стиқболли инвестиция лойиҳаларини ишлаб чиқиш тартибини такомиллаштиришга доир қўшимча чора-тадбирлар тўғрисида»ги қарори қабул қилинди, деб хабар бермоқда «Дунё» АА мухбири.
Қарор билан Ўзбекистонда «УорлиПарасонс Ўзбекистон инжиниринг» қўшма корхонаси ташкил этилади.
Маълумки, «Ўзоғирнефтгазкимёлойиҳа» институти, «ЎзЛ?Т?нефтгаз» акциядорлик жамияти билан «УорлиПарсонс Нидерландс БВ» компанияси ўртасида 2011 йил 17 февралда устав фонди 200 минг АҚШ доллари миқдоридаги масъулияти чекланган жамият шаклидаги «УорлиПарсонс Ўзбекистон инжиниринг» қўшма корхонасини ташкил этиш тўғрисида битим имзоланган эди.
Бундан ташқари, «Ўзоғирнефтгазкимёлойиҳа» — Ўзбекистон электроэнергетика, нефть ва газни қайта ишлаш, кимё ва оғир саноат давлат лойиҳа институти — Вазирлар Маҳкамаси ҳузуридаги «Ўзинжиниринг» Республика лойиҳа институтига айлантирилган. Унинг «УорлиПарсонс Ўзбекистон инжиниринг» масъулияти чекланган жамияти кўринишидаги қўшма корхона устав фондидаги улуши 25 фоиз, «ЎзЛ?Т?нефтгаз» акциядорлик жамиятининг улуши 25 фоиз, «УорлиПарсонс Нидерландс БВ» компаниясиники эса 50 фоизни ташкил этган.
2017 йил 28 июнда «УорлиПарсонс Нидерландс БВ» компанияси “Intecsea Group B.V”(Нидерландия Қироллиги) таркибига, “Intecsea Group B.V”(Нидерландия Қироллиги) компанияси эса “Intеcsea B.V” (Нидерландия Қироллиги) таркибига қўшилгани учун «УорлиПарсонс Ўзбекистон инжиниринг» МЧЖ ҚК таъсисчилари рўйхатига «УорлиПарсонс БВ» компанияси ўрнига “Intеcsea B.V” (Нидерландия Қироллиги) компанияси киритилган эди.
Мазкур қарор билан «УорлиПарсонс Ўзбекистон инжиниринг» МЧЖ ҚК устав фондидаги улушлари (жами 50 фоиз) белгиланган тартибда ?нвестиция ва ташқи савдо вазирлиги ҳузуридаги ?нвестиция лойиҳаларини ишлаб чиқиш марказига берилади.
Шунингдек, ?нвестициялар ва ташқи савдо вазирлигининг Давлат активларини бошқариш агентлиги билан биргаликда «УорлиПарсонс Ўзбекистон инжиниринг» МЧЖ ҚК устав фондидаги ?нвестиция лойиҳаларини ишлаб чиқиш марказининг 0,1 фоиз улушини “Intеcsea B.V” (Нидерландия Қироллиги) компаниясига сотиш масаласи бўйича тегишли чораларни кўриши белгиланди.
