ТОШКЕНТ, 25 февраль. /«Дунё» АА/. Ўзбекистонда жорий йилнинг январь ойида 6 триллион 956,2 миллиард сўмлик қурилиш ишлари бажарилди, деб хабар бермоқда «Дунё» АА мухбири.
Давлат статистика қўмитасидан олинган маълумотларга кўра, бажарилган қурилиш ишлари ҳажми ўтган йилнинг шу даврига нисбатан 1 фоизга ошган.
Қурилиш ишлари таркибининг ҳажми кичик корхона ва микрофирмалар (74,6 фоиз), йирик ташкилотлар (8,2 фоиз) ва норасмий сектор (17,2 фоизни) ҳиссасига тўғри келади.
Эслатиб ўтамиз: сўнгги 5 йил давомида Ўзбекистонда қурилиш ишларининг ҳажми 3 баробарга ошди.
