ТОШКЕНТ, 15 март. /«Дунё» АА/. Ўзбекистон давлат статистика қўмитаси маълумотига кўра, 2021 йилнинг январь ойида мамлакатимиздан хорижга қиймати 2,2 миллион долларга тенг бўлган пойабзал маҳсулотлари экспорт қилинган, деб хабар бермоқда «Дунё» АА мухбири.
Ўзбекистонда ишлаб чиқарилган ушбу турдаги маҳсулот, асосан, қуйидаги мамлакатларга жўнатилган: Қирғизистон (1,4 млн. доллар), Қозоғистон (438,8 минг доллар), Тожикистон (321,6 минг доллар), Беларусь (29,8 минг доллар).