ДЕҲЛ?, 14 октябрь. /«Дунё» АА/. Мамлакатимизнинг Деҳли шаҳридаги элчихонаси иштирокида «Ўзсаноатқурилишбанк» АТБ ва Ҳиндистон Эксимбанки раҳбарияти билан видеоконференция форматида музокара ташкил этилди, деб хабар бермоқда «Дунё» АА мухбири.
Онлайн-тадбирда томонлар жорий йил июль ойида дастлабки музокаралар ўтказилгандан сўнг ўтган вақт давомида самарали ҳамкорлик амалга оширилганини таъкидлади.
Музокараларнинг ушбу босқичида Ўзбекистонда молиялаштириш режалаштирилаётган, ижтимоий аҳамиятга эга бўлган лойиҳалар, ҳамкорликни янада ривожлантириш билан боғлиқ бошқа масалалар бўйича фикр алмашилди.