ТОШКЕНТ, 15 январь. /«Дунё» АА/. Ўзбекистон Энергетика вазирлигининг маълумотларига кўра, 13 январь куни мамлакатимиз иссиқлик ва гидроэлектр станциялари томонидан жами 209,7 миллион киловатт-соат электр энергияси ишлаб чиқарилган, деб хабар бермоқда «Дунё» АА мухбири.
?стеъмолчиларга кунига 206,6 миллион киловатт-соат электр энергияси, 102,88 миллион куб метр табиий газ, 1886 тонна суюлтирилган газ ва 10795 тонна кўмир маҳсулотлари етказиб берилди.
13 январь куни соат 08:00да, таъмирлаш ишлари тугагандан сўнг, «Тошкент ?ЭС» АЖнинг 1-сонли энергия блоки фойдаланишга топширилди, блок тизимга уланишга тайёрланмоқда.
Ҳозирда «Ново-Ангрен» иссиқлик электр станциясининг (?ЭС) 2 ва 3 блокларини таъмирлаш ишлари қозон агрегатлари иссиқлик алмашинуви юзасида нуқсонлар бўлганлиги сабабли давом этмоқда. 3-энергия блокидаги таъмирлаш ишларини 15 январга қадар якунлаш режалаштирилган ва блок ишга туширилади. Ҳозирда 2-энергия блокининг қозонхонаси совутилмоқда.
«Ангрен» ?ЭСда 5-сонли турбина блокининг подшипниклари таъмирланмоқда, бундан ташқари, 12 январдан бошлаб 3-энергия блокининг қозонхонасида таъмирлаш ишлари бошланди. Уни 22 январга қадар якунлаш режалаштирилган.
Бошқа барча иссиқлик электр станциялари номинал қувват билан ишлаяпти, уларнинг ишлаш режимида ўзгаришлар бўлмайди.
Ўтган кун давомида газ қувурларида бир қатор таъмирлаш ишлари олиб борилди. Хусусан, 13 январь куни соат 11:00 дан 17:00 гача пойтахтимизнинг Чилонзор туманида Чилонзор ва Чорбог кўчалари орқали ўтадиган ер ости газ қувурларида таъмирлаш ишлари олиб борилди. Шу муносабат билан Бешқўрғон кўчаси бўйлаб 40 та хонадонга ва Чилонзор ва Берк кўчалари, 1-уй бўйидаги 50 та хонадонга газ етказиб бериш вақтинча тўхтатилди. ?ш тугагандан сўнг, табиий газ таъминоти қайта тикланди.
Ромитан туманининг бир қатор маҳалла фуқаролар йиғини ҳудудидан ўтувчи юқори босимли газ қувуридаги аварияни бартараф этиш мақсадида 13 январь куни соат 14:00 дан 17:00 гача Малишояк, Боғимусо, Валфажир, Пешкў, Янгибозор, Мустақиллик ва Чигирчи фермер хўжаликларига табиий газ етказиб бериш тўхтатилди. Таъмирлашдан сўнг газ таъминоти тикланди.
14 январь куни соат 11:00 дан 16:00 гача пойтахтимизнинг Сергели туманида «Кум ариқ» фермер хўжалигидан кейинги кўчаларда электрон газ ҳисоблагичларини давлат томонидан қиёсий текшириш ўтказилди. Шу муносабат билан маҳаллий уйларга табиий газ етказиб бериш вақтинча тўхтатилди.
Пойтахтимизнинг Олмазор туманида 14 январь куни соат 11:00 дан 17:00 гача Гулзор ва Шумилов фермер хўжаликларида қуруқликдаги ўрта босимли газ қувурини таъмирлаш ишлари олиб борилди. Шу муносабат билан, маҳаллий аҳолининг уйларига газ етказиб бериш тўхтатилди, у таъмирдан кейин қайта тикланди.
Қарши шаҳрида 14 январь куни таъмирлаш гуруҳлари Буюк Турон маҳалласи ҳудудидан ўтувчи юқори босимли газ қувуридаги носозликларни шошилинч равишда бартараф этишди. Шу муносабат билан, соат 15:00 дан 17:00 гача Буюк Турон, Темирйўлчи, Орол ва Худойзот маҳаллаларида газ таъминоти тармоқдан вқафтинча узилди.
Шунингдек, 14 январь куни соат 11:00 дан 13:00 гача Сурхондарё вилоятининг икки туманини таъминлайдиган юқори босимли газ қувурида таъмирлаш ишлари олиб борилди. Шу муносабат билан Сариосиё туманидаги 4857 хонадон ва 112 улгуржи истеъмолчида, шунингдек, Узун туманидаги 3859 хонадонда газ таъминоти вақтинча тўхтатилди. Таъмирлашдан сўнг газ таъминоти тўлиқ тикланди.
Энергетика вазирлиги энергия таъминоти билан боғлиқ барча масалалар бўйича 1154 қисқа рақамига ва газ таъминоти бўйича 1104 рақамига қўнғироқ қилишингиз мумкинлигини эслатиб ўтган.
