ТОШКЕНТ, 8 февраль. /«Дунё» АА/. «Texnopark» ва «Ferroli» халқаро концерни ўртасида Ўзбекистонда иситиш ускуналарини ишлаб чиқариш бўйича ҳамкорлик тўғрисидаги битим онлайн шаклда имзоланди, деб хабар бермоқда “Дунё” АА мухбири.
«Ферроли» - уй-жой ва саноат секторлари учун иситиш ва иқлим назорати ускуналарини ишлаб чиқариш бўйича дунёдаги етакчи компаниялардан биридир. Халқаро концерннинг 50 дан ортиқ мамлакатда савдо офислари, ишлаб чиқариш заводлари ва хизмат кўрсатиш марказлари фаолият юритади.
Ҳамкорлик шартномаси 92-6000 кВт қувватга эга газли иссиқ сув қозонлари - Prextherm RSW ишлаб чиқариш лойиҳасини биргаликда ишлаб чиқиш ва амалга оширишни назарда тутади.
«Ferroli»нинг лойиҳалаш жамоаси заводни жиҳозлаш, ишлаб чиқариш жараёнлари ва ускуналар сифатини назорат қилиш билан шуғулланади.
Барча маҳсулотлар Европада ишлаб чиқарилган плазма тўсарлари, прокатлаш, автоматик сув остида пайвандлаш учун машиналар ва бошқа янги авлод ускуналари ёрдамида тайёрланади. Йўналишлар компьютерлаштирилган бошқарув билан жиҳозланган ва марказлашган диспетчерлик тизими томонидан бошқарилади.
МАмлакатимизда саноат ва, айниқса, уй-жой-коммунал соҳасидаги қозонхоналарнинг аксарияти эскирган, катта иссиқлик йўқотишларига ва эксплуатацион харажатларга эга эканлигини ҳисобга олсак, «Ferroli» юқори технологияли ва ишончли иссиқлик ишлаб чиқарувчи ускуналарга бўлган талабни қондиради.
