ТОШКЕНТ, 3 март. /“Дунё” АА/. Жаҳон иқтисодиёти ва дипломатия университетида "Брекситдан кейинги Европа ?ттифоқининг истиқболлари ва Шарқий Европадаги иқтисодий ривожланиш хусусиятлари" мавзусида илмий учрашув бўлиб ўтди, деб хабар бермоқда “Дунё” АА мухбири.
Учрашувда Ўзбекистон Республикаси Президенти маслаҳатчиси ўринбосари, Ўзбекистон Республикаси Президенти ҳузуридаги ?қтисодий тадқиқотлар ва ислоҳотлар маркази директори Обид Ҳакимов, дипломатик корпус вакиллари – Европа ?ттифоқининг Ўзбекистондаги делегацияси раҳбари, элчи Эдуардс Стипрайс, Словакиянинг Ўзбекистондаги элчиси Ян Бори, Ўзбекистон Республикаси Ташқи ишлар вазирлиги мутасаддилари, экспертлар иштирок этди.
Тадбирда Европа Фанлар ва санъат академиясининг тўлиқ аъзоси, машҳур иқтисодчи профессор Стефан Кашшай ҳамда Словакия элчиси Ян Бори тақдимот ўтказди.
Европа ?ттифоқи иқтисодий, сиёсий, ижтимоий ривожланишининг долзарб масалалари, Ўзбекистон – Е? муносабатлари, ҳамкорлик истиқболлари муҳокама қилинди.
?штирокчилар Европа ?ттифоқи Марказий Осиё минтақасида стратегик аҳамиятга эга Ўзбекистоннинг барқарор ривожланишидан манфаатдор эканини қайд этди.
Шунингдек, тадбир доирасида ХХ аср бошларида илмий тадқиқотлар учун минтақамизда бўлган словакиялик дипломат, сиёсатчи ва йирик астроном Милан Растислав Стефаникка бағишланган тематик кўргазма очилиши бўлиб ўтди.
Мулоқот сўнгида университет кутубхонасига "Корхона ва тадбиркорлик" номли беш жилддан иборат китоб тўплами совға қилинди. Тўпламда Европа компанияларининг ишбилармонлик муҳитини ривожлантириш тажрибаси, иқтисодий ислоҳот ва ўзгаришлар даврида мулкчилик тузилмасидаги ўзгаришлар бўйича маълумотлар тақдим этилган.
