Россия компанияси Ўзбекистонда геологик қидирув ишларини олиб боради

18.02.2021 10:47

ТОШКЕНТ, 18 февраль. /«Дунё» АА/. «Ўзбекнефтгаз» АЖ ва  Россиянинг «Росгеология» АЖ вакиллари ўртасида учрашув бўлиб ўтди, деб хабар бермоқда «Дунё» АА мухбири.

«Ўзбекнефтгаз»  маълумотига кўра, учрашув доирасида «Росгеология» вакилларига мамлакатимизда нефть-газ ва геология соҳасида амалга оширилаётган  трансформация жараёнлари ва бошқа ислоҳотлар ҳақида маълумот берилди.

Ўз навбатида, «Росгеология» «Ўзбекнефтгаз» билан табиий газ қудуқларини геофизик тадқиқ қилишнинг долзарб технологияларини жорий этиш, бу борада узоқ муддатли ҳамкорлик давом эттирилишини маълум қилди. 

Учрашувда томонлар ҳамкорликнинг истиқболли йўналишлари бўйича келишувларга эришди.

«Росгеология» Россиянинг АЖ ривожланган ишлаб чиқариш-техник базаси, юқори малакавий ваколатлари ва ноёб миқдорда тўпланган геологик маълумотларга эга бўлган энг йирик геологик корхонаси ҳисобланади. Ҳозирда ушбу корхона Осиё, Европа, Африка ва Лотин Америкаси мамлакатларида фаолият кўрсатмоқда.

Online Maslahat

Ism

E-mail

Maslahat

Useful links

booked.net
booked.net