Hujjat bilan Navoiy viloyati hokimligi va O‘zbekiston Respublikasi Investitsiyalar va tashqi savdo vazirligining Navoiy viloyatida 2019 yil 30 aprel - 1 may kunlari xorijiy ishbilarmon doiralar, xalqaro tashkilotlar va xorijiy davlatlarning mamlakatdagi diplomatik korpus vakillarini taklif etgan holda “Invest In Navoi” II Xalqaro biznes-forumni o‘tkazish bo‘yicha takliflariga rozilik berildi.
Tashkiliy qo‘mitaga (Bekenov, Tursunov) quyidagi vazifalar yuklandi:
axborot-tahliliy va boshqa hujjatlarni o‘z vaqtida va sifatli tayyorlash, Xalqaro biznes-forum uchun axborot ko‘magini tashkil qilish bo‘yicha zarur choralarni ko‘rish;
tadbirning zarur texnika va telekommunikatsiya vositalari bilan ta'minlanishi, tadbir o‘tkaziladigan joylar obodonlashtirilishi, shuningdek tadbir o‘tkaziladigan davrda Toshkent va Navoiy shaharlarida mehmonxona fondining tayyor holatda bo‘lishini tashkil qilish;
rejalashtirilgan chora-tadbirlarni o‘z vaqtida va sifatli amalga oshirish bo‘yicha mas'ul vazirlik va idoralar faoliyatini muvofiqlashtirish, Xalqaro biznes-forumga tayyorgarlik ko‘rish va uni o‘tkazish bilan bog‘liq boshqa tashkiliy masalalarni hal qilish.
Belgilab qo‘yilishicha, Xalqaro biznes-forumni o‘tkazish bilan bog‘liq xarajatlar Navoiy viloyati mahalliy budjeti va homiylar mablag‘lari hisobidan moliyalashtiriladi. Bunda ushbu mablag‘lar Navoiy viloyati hokimligi tomonidan ochiladigan maxsus hisobraqamga o‘tkazilishi nazarda tutiladi
(Manba: Kun.uz)