НАМАНГАН, 12 май. /«Дунё» АА/. Наманган вилоят божхона бошқармасининг «Наманган» ташқи иқтисодий фаолият постида товарларнинг божхона расмийлаштируви кун-у тун йўлга қўйилган, деб хабар бермоқда “Дунё” АА мухбири бошқарма манбасига асосланиб.
Рақамларга эътибор қаратсак, мазкур постда жорий йилнинг 4 ойи мобайнида қиймати 2,7 миллион АҚШ долларига тенг 2 минг тоннадан зиёд гилос, ўрик, помидор ва бошқа мева-сабзавот маҳсулотлари экспорт учун расмийлаштирилган.
Ташқи бозорларга чиқарилган мева-сабзавот маҳсулотларининг асосий қисми Россия, Қозоғистон ҳамда Қирғизистон улушига тўғри келади.
Божхона қўмитаси мамлакатимизда ўз тадбиркорлик фаолиятини амалга ошираётган ва маҳсулотларини хорижга экспорт қилаётган тадбиркорларга амалий ёрдам кўрсатишда давом этмоқда.