К?ЕВ, 25 февраль. /«Дунё» АА/. Украина пойтахти Киев шаҳрида Ўзбекистон – Украина бизнес-форуми бўлиб ўтди, деб хабар бермоқда "Дунё" АА мухбири.
Форум доирасида ?нвестициялар ва ташқи савдо вазирлиги раҳбарияти бошчилигидаги мамлакатимиз делегацияси Украинанинг тараққиёт, иқтисодиёт, савдо ва қишлоқ хўжалиги вазири Т. Милованов, Украина саноатчилар ва тадбиркорлар иттифоқи раҳбари А.Кинах, Украина Савдо–саноат палатаси раиси Г.Чижиков ва Украина бизнеси вакиллари билан учрашувлар ўтказди, деб хабар бермоқда «Дунё» АА мухбири.
Тадбир икки томонлама иқтисодий ҳамкорликнинг жорий ҳолатини муҳокама қилиш, истиқболли қўшма инвестиция лойиҳалари ва ўзаро манфаатли савдо битимларини ишлаб чиқиш имкониятларини ўрганишга имкон берди.
Шунингдек, Украинанинг ?нфратузилма вазирлигида «Тошкент –Киев – Тошкент» йўналиши бўйича ҳаво ва «Тошкент – Харков – Тошкент» темир йўл қатновини тиклаш ҳақида сўз юритилди.
Музокараларда тадбиркорларни қўллаб-қувватлаш, божхона ва тарифларни тартибга солиш, ветеринария-санитария талаблари ва ўсимликлар карантинини уйғунлаштириш масалаларини ҳал этиш бўйича келишувларга эришилди.
