ТОШКЕНТ, 4 ноябрь. /«Дунё» АА/. «INNOWEEK-2020» Халқаро инновацион ғоялар ҳафталиги доирасида ?нновацион ривожланиш вазирлиги томонидан Туркия, Ҳиндистон ва Жанубий Корея Республикаси давлатларининг инвесторлари билан ўзаро ҳамкорликни назарда тутувчи умумий қиймати 230,6 миллион долларга тенг бўлган англашув меморандумлари имзоланди, деб хабар бермоқда «Дунё» АА мухбири.
?нновацион ривожланиш вазирлигига кўра, Ўзбекистон Республикаси ?нновацион ривожланиш вазирлиги ҳамда Туркиянинг «JFC ENERJI YATIRIM SANAYI ve TICARET A.S.» компанияси ўртасида 229,6 миллион доллар қийматидаги шартнома имзоланди. Мазкур ширкат техник каннабис ўсимлиги уруғларини қайта ишлаш йўли билан озиқ-овқат, косметика, тўқимачилик, қурилиш маҳсулотларини ишлаб чиқишга ихтисослашган.
Жанубий Кореянинг «TOV Clean Co Ltd.» компанияси билан 1 миллион доллар қийматидаги шартнома инновацион технологиялардан фойдаланган ҳолда экологик тоза маиший кимё маҳсулотларини ишлаб чиқаришга қаратилган.
Шунингдек, вазирлик Ҳиндистоннинг «Zen Technologies Limited» компанияси ҳамда Португалиянинг «Take The Wind» компанияси билан технологиялар ва интеллектуал фаолият натижалари трансфери бўйича ўзаро англашув меморандуми имзолади.
?нвесторлар билан технологиялар трансфери, билим ва тажриба алмашиш, қўшма инновацион лойиҳаларни амалга ошириш, стартап ҳамда инновацион лойиҳаларнинг қўшма танловларини ташкил этиш борасида келишувларга эришилди.
