«Фольксваген» енгил тижорат автомобилларини ишлаб чиқариш 2022 йилдан тўлиқ ўзлаштирилади

26.06.2020 11:51

ТОШКЕНТ, 26 июнь. /«Дунё» АА/. Президентимиз Шавкат Мирзиёевнинг «Ўзбекистон Республикасида «Фольксваген» енгил тижорат автомобиллари ишлаб чиқаришни ташкил этиш лойиҳасини амалга ошириш чора-тадбирлари тўғрисида»ги қарори қабул қилинди, деб хабар бермоқда Дунё АА мухбири.

 Қарор билан «Жиззах автомобиль заводи масъулияти чекланган жамияти негизида «Ўзбекистон енгил тижорат автомобилларини ишлаб чиқаришни ташкил этиш» инвестиция лойиҳасини амалга оширишни давом эттириш бўйича «Фольксваген» компанияси томонидан таклиф этилаётган концепция маъқулланди.

 Концепцияда, жумладан, қуйидагилар назарда тутилган:

 Биринчи босқичда 2020-2021 йилларда:

 - бозорни ўрганиш ҳамда маркетинг таҳлилини ўтказиш мақсадида «Фольксваген» ва «Шкода» маркаларидаги тайёр автомобилларни етказиб беришни ташкил қилиш;

 - компаниянинг юқори малакали мутахассисларини жалб қилган ҳолда «Жиззах автомобиль заводи» ходимларини йирик узелли автомобилларни йиғиш бўйича ўқишини ташкил этиш;

 - «Фольксваген Кедди» моделини йирик узелли йиғишни ташкил этиш мақсадида бутловчи қисмларни етказиб бериш;

 - мамлакатнинг барча ҳудудларида дилерлик тармоғи ва сервис хизматларини кўрсатиш станцияларини ташкил этиш.

 - иккинчи босқичда 2022 йилдан бошлаб енгил тижорат автомобилларининг замонавий моделларини ишлаб чиқаришнинг тўлиқ циклини ўзлаштириш.

 - 2020 йил июль ойидан бошлаб Қорақалпоғистон Республикаси, вилоятлар ва Тошкент шаҳрида «Евро-5» стандарти талабларига жавоб берадиган юқори сифатли дизель ёқилғиси ва автобензинга эга камида битта автомобилларга ёқилғи қуйиш шохобчаси бўлишини таъминлаш.

Online Maslahat

Ism

E-mail

Maslahat

Useful links

booked.net
booked.net