ТОШКЕНТ, 14 февраль. /«Дунё» АА/. Дунёдаги йирик махсус дастурий таъминотлар ишлаб чиқарувчилардан бири “EPAM” компанияси “JavaScript” дан фойдаланган ҳолда веб-иловаларни яратиш учун замонавий ёндашув, технология ва воситаларга бағишланган бепул онлайн-тренинг ўтказади. Бу ҳақда Ахборот технологиялари ва коммуникацияларини ривожлантириш вазирлиги ахборот хизматига асосланиб, “Дунё” АА мухбири хабар бермоқда.
Тошкентдаги ?нха университети билан ҳамкорликда ташкил этиладиган тадбирда дастур, дастурий илова ва ахборот технология маҳсулотлари яратишга қизиқувчи ёшлар тренингда иштирок этиши мумкин.
?нха университетида ўтказиладиган онлайн тренинглар 10 ҳафта давом этиб, у дастурий мураккаб тенгламалар ва уларни ечиш бўйича 12 та амалий машғулот, хорижий мутахассислар иштирокида ташкил этиладиган маҳорат дарсларидан иборат бўлади.
Ўқув курслари якунида иштирокчиларнинг ўзлаштириш кўрсаткичлари юзасидан суҳбат ташкил этилади.
Эслатиб ўтамиз, Тошкентдаги ?нха университети “EPAM Systems” компанияси билан муваффақиятли ҳамкорлик алоқаларини ўрнатган. Унга кўра, ҳамкорликда ахборот технологиялари соҳасида конференсиялар ўтказиш, шу орқали ?нха университети талабаларидан халқаро миқёсда веб дастурлар тайёрлаш бўйича мураббийлар тайёрлаш кўзда тутилган.
