ТОШКЕНТ, 30 апрель, /”Дунё” АА/. Кеча, муборак Рамазон ҳайити арафасида Ўзбекистон Президенти Шавкат Мирзиёев “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни авф этиш тўғрисида”ги фармонни имзолади, деб хабар бермоқда “Дунё” АА мухбири.
Ушбу ҳужжат билан, адашиб жиноятга қўл урган, лекин айбини чуқур англаб, тузалиш йўлига қатъий ўтган 65 нафар фуқаро афв этилди.
Маълумки, Шавкат Мирзиёев 2021 йилги Рамазон ҳайити муносабати билан 100 нафар маҳбусни афв этган эди. 2022 йил январь ойи охирида «Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида»ги Президент фармони имзоланган, унга кўра, 44 нафар маҳбус муддатидан олдин озод этилган эди.