2018-yilning 8-noyabr kuni O‘zbekiston Respublikasi Tashqi ishlar vaziri Abdulaziz Kamilov Berlin shahrida Germaniya Bundestagi Vitse-prezidenti Hans-Peter Fridrix bilan uchrashdi.
Suhbat davomida parlamentlararo aloqalar, jumladan mamlakatimizning Yevropa Ittifoqi bilan hamkorligi doirasidagi munosabatlar holati va yanada rivojlantirishning istiqbolli yo‘nalishlari muhokama qilindi.
Ta’kidlanganidek, O‘zbekiston Oliy Majlisi va Germaniya Bundestagi o‘rtasidagi muntazam aloqalar ikki tomonlama ko‘p qirrali hamkorlikning muhim qismlaridan biri hisoblanadi.