ТОШКЕНТ, 1 март. /«Дунё» АА/. ”Ўзбеккино” Миллий агентлиги буюртмасига биноан “Play this” киностудияси томонидан “Эврилиш” бадиий фильми суратга олинади, деб хабар бермоқда «Дунё» АА мухбири агентлик маълумотига таяниб.
Фильмни халқаро мукофотлар лауреати, маҳоратли режиссёр Ёлқин Тўйчиев суратга олмоқда.
Ҳозирда ижодий гурух Мисрнинг Қоҳира шаҳрида кинофильмни тасвирга олиш объектлари билан танишмоқда. Хусусан, “Egyptian Media Producnion City” студияси вакиллари билан музокаралар ўтказилиб, ҳамкорлик бўйича келишувга эришилди.
Мазкур фильмда бир инсон ҳаётида кечган синовли дақиқалар ва унинг руҳий кечинмалари ҳақида ҳикоя қилинади.
Постановкачи режиссёр ва сценарий муаллифи Ёлқин Тўйчиев, постановкачи оператор Рустам Муродов, постановкачи рассом Бектош Ражабов, картина директори Шокир Набиев.
Фильмда Баҳром Матчонов, Жўрабек Арзиев, ?горь Бухаидзе, Евгений Москвичев, Сардор Нозимов, Сабина Асанова, Санобар Ҳақназарова каби актёрлар турли характердаги ролларни ижро этади.
Фильмни суратга олиш ишлари Ўзбекистон, Афғонистон, Қозоғистон, Миср ва Англияда ўтказилади.
