ТОШКЕНТ, 29 декабрь. /«Дунё» АА/. Кеча, 28 декабрь куни Ўзбекистонда коронавирус инфекцияси қайд этилганлар сони 75 тага ортиб, умумий касалланганлар 76 минг 907 нафарни ташкил этмоқда, деб хабар бермоқда «Дунё» АА мухбири.
Соғлиқни сақлаш вазирлиги маълумотига кўра, кеча юртимизда 187 киши ушбу касалликдан соғайди. Айни пайтда коранавирусдан бутунлай фориғ бўлган беморлар сони 74 минг 626 нафарга етди.
1 минг 668 нафар беморларга эса шифокорларимиз томонидан белгиланган стандартлар бўйича даво чоралари кўрилмоқда. Шундан 165 нафар бемор оғир, 32 нафари эса ўта оғир аҳволда.
