Ўзбекистон йилнинг биринчи чорагида 700 мингдан зиёд мобил телефонларни импорт қилди

ТОШКЕНТ, 29 апрель. /«Дунё» АА/. Январ – март ойлари мобайнида Ўзбекистонга хориждан қиймати 49,9 миллион долларга тенг ҳажмдаги 700 283 дона мобил телефон келтирилган, деб хабар бермоқда “Дунё” АА мухбири.

Давлат статистика қўмитаси маълумотларида қайд этилишича, мобил телефон импорти кўрсаткичи 2021 йилнинг мос даврига нисбатан солиштирилганда 260 878 донага ошган.

Мамлакатимиз телефонларни энг кўп импорт қилган мамлакатлар қуйидагилардир:

• Хитой – 533 704 дона;
• Вьетнам – 92 639 дона;
• Ҳиндистон – 36 698 дона;
• БАА – 33 620 дона;
• Қозоғистон – 3 518 дона;
• Корея – 86 дона.