ТОШКЕНТ, 21 январь. /«Дунё» АА/. Президент Шавкат Мирзиёев Америка Қўшма Штатлари Президенти Жозеф Байденга унинг давлат раҳбари лавозимига киришгани муносабати билан табрик йўллади, деб хабар бермоқда «Дунё» АА мухбири.
20 январь куни Америка пойтахтидаги Конгресс биноси олдидаги Капитолий тепалигида АҚШнинг 46-президенти Жо Байденнинг инаугурацияси бўлиб ўтди.
Ўтган йил ноябрь ойида Вашингтонда бўлиб ўтган Ўзбекистон-АҚШ сиёсий маслаҳатлашувларининг 8-раунди якунлари бўйича ҳамкорликнинг мазкур шаклини Стратегик шериклик мулоқотига айлантириш тўғрисида қарор қабул қилинди. Мулоқотнинг таъсис йиғилишини 2021 йил Тошкент шаҳрида ўтказиш тўғрисида келишувга эришилди.
