ТОШКЕНТ, 23 сентябрь. /«Дунё» АА/. Ўзбекистон Республикаси Президенти Шавкат Мирзиёевнинг БМТ Бош Ассамблеяси 75-сессиясидаги нутқининг видеотрансляцияси бошланди, деб хабар қилмоқда «Дунё» АА мухбири.
Бош Ассамблеянинг навбатдаги сессияси ноанъанавий форматда ўтмоқда: давлат ва ҳукумат раҳбарлари бу йил тадбир очилишида иштирок этиш учун Нью-Йоркка келмади – уларнинг аввалдан ёзиб олинган видеомурожаатлари умумсиёсий мунозараларда трансляция қилинмоқда.
Давлатимиз раҳбари 2017 йил сентябрь ойида БМТ Бош Ассамблеяси 72-сессиясида сўзга чиқиб, муҳим таклиф ва ташаббусларни ўртага ташлаган эди. Улар кенг халқаро ҳамжамият томонидан қўллаб-қувватланиб, бугунги кунда амалиётга тадбиқ этилди.
Видеотрансляция давом этмоқда.
