ТОШКЕНТ, 5 июнь. /“Дунё” АА/. Хитойнинг Ухань шаҳри шифохонасидан коронавирус туфайли келиб чиққан янги COVID-19 инфекциясини юқтирган сўнгги уч бемор буткул соғайиб чиқди, деб хабар бермоқда “Дунё” АА мухбири.
“Синьхуа” ахборот агентлиги маълумотига кўра, Хубэй провинциясида коронавирусга чалинган бирорта ҳам касал қолмаган. 5 июнь куни шифохоналарга бундай касаллик белгилари билан оғриган бирор киши мурожаат қилмаган ва вирус юқтириш ҳолати қайд этилмаган.
Ушбу касалликни симптомсиз бошидан ўтказган карантиндаги 28 кишига шифохонадан уйига жавоб берилган. Шунингдек, касалликнинг белгилари бўлмаган яна 217 киши ўзини яккалаш тартибида тиббий муассасаларда қолмоқда.
Ухань шаҳрида илк бора 1 июнь куни коронавирус юқтириш ҳолати қайд этилмаган. Ушбу мувафаққиятга ҳукумат томонидан умумтартибда ўтказилган тест текширувлари натижасида эришилди.
