ТОШКEНТ, 27 апрель. /«Дунё» АА/. Бугун Тошкент шаҳрида Шанхай ҳамкорлик ташкилотига аъзо давлатлар Миллий координаторлари кенгашининг навбатдаги йиғилиши бошланди, деб хабар бермоқда «Дунё» АА мухбири.
Учрашув доирасида ШҲТ Давлат раҳбарлари кенгаши, Ҳукумат раҳбарлари (бош вазирлар) кенгаши ва Ташқи ишлар вазирлари кенгаши мажлисларига тайёргарликнинг бориши муҳокама қилинади.
Миллий координаторлар, шунингдек, Тожикистоннинг ШҲТга раислиги даврида ишлаб чиқилган ҳужжатлар рўйхати лойиҳасини муҳокама қилади, ташкилотнинг амалдаги фаолиятининг бошқа масалалари бўйича фикр алмашади.
