СЕУЛ, 27 март. /“Дунё” АА/. Гастроль сафари билан Жанубий Кореяда бўлиб турган Алишер Навоий номидаги Ўзбекистон давлат академик катта театри жамоаси 26 март куни Тэгу шаҳрида «Daegu Opera House» вакиллари билан биргаликда қўшма концерт дастурини тақдим этди, деб хабар бермоқда «Дунё» АА мухбири.
Ўзбекистон Республикаси билан Корея Республикаси ўртасида дипломатик алоқалар ўрнатилганлигининг 30 йиллиги муносабати билан ташкиллаштирилган ушбу концерт кореялик опера санъати ихлосмандлари, Тэгу шаҳрида истиқомат қилаётган ватандошларимиз ва талаба ёшларимиз билан гавжум бўлди.
Концертдан сўнг «Daegu Opera House» ҳамда Алишер Навоий номидаги Ўзбекистон давлат академик катта театри ўртасида музокаралар ташкиллаштирилди. Ўзаро алоқалаорни янада фаоллаштириш мақсадида томонлар ўртасида ҳамкорлик Меморандуми имзоланди.
Ўзбекистон делегацияси вакиллари шунингдек Тегу шаҳар мэриясида ҳам учрашувлар ўтказиб, жорий йил ёз ойларида Тегу шаҳрининг қатор санъаткорлари Ўзбекистонга гострол сафарини ташкиллаштиришга келашиб олдидар.
Ўзбекистон давлат академик катта театри жамоаси ижодий сафар доираси Пусан, Кочанг, Пёнтек ва Сеул шаҳарларида ҳам концерт дастурларини амалга оширишни режалаштирган.
