Сирдарёда қуввати 1 500 МВт бўлган буғ-газ электр станцияси қурилади

11.08.2020 11:08

ТОШКЕНТ, 11 август. /«Дунё» АА/. Ўзбекистон Республикаси Президентининг «Сирдарё вилоятида қуввати 1 500 МВт бўлган янги иссиқлик электр станцияси қурилишини ташкил этиш чора-тадбирлари тўғрисида» ги қарори қабул қилинди, деб хабар бермоқда «Дунё» АА мухбири.

Қарорга мувофиқ, ?нвестициялар ва ташқи савдо вазирлиги, “The International Company for water and power projects” (Саудия Арабистони, инвестор) ва “Acwa Power Sirdarya” МЧЖ (лойиҳа компанияси) ўртасидаги Сирдарё вилоятида қуввати 1 500 МВт бўлган буғ-газ электр станциясини қуриш бўйича инвестиция битими тасдиқланди.

?нвестиция битими у имзоланган 2020 йил 6 мартдан эътиборан кучга киради.

Қарор билан «Ўзбекистон миллий электр тармоқлари» АЖ ва лойиҳа компанияси ўртасидаги Электр энергиясини сотиб олиш тўғрисидаги битим маъқулланди.

 Лойиҳа компанияси ишлаб чиқарилган электр энергиясини кафолатланган тарзда фақат «Ўзбекистон миллий электр тармоқлари» АЖга сотади.

?нвестиция лойиҳасини амалга ошириш доирасида лойиҳа компаниясига, истисно тариқасида кредитлаш, чет эл валютасидаги маблағларни олиш ва улардан фойдаланиш учун чет элдаги хорижий банкларда ҳисобварақлар очиш ҳамда республикадаги ҳисобварақларидан хориждаги ҳисобварақларига пул маблағлари ўтказиш ва Ўзбекистоннинг ташқарисидаги хорижий пудратчилар, етказиб берувчилар ёки хорижий кредиторларга тўловларни Ўзбекистондаги банк ҳисобварақлари орқали тўғридан-тўғри амалга ошириш ҳуқуқлар берилади.

Online Maslahat

Ism

E-mail

Maslahat

Useful links

booked.net
booked.net