--Sayohatlarga viloyatning barcha tuman va shaharlaridan asosan nogironligi bo‘lgan, ijtimoiy daftarlarda ro‘yxatda turgan, fan olimpiadalarida g‘oliblikni qo‘lga kiritgan 850 nafar yoshni qamrab olish ko‘zda tutilgan,-- deydi viloyat hokimining o‘rinbosari Rustam Qobilov.-- O‘quvchi va talabalar belgilangan kunlarda har bir tuman va shahardan markazlashgan holda hokimliklar tomonidan tashkil etilgan avtobuslarda olib kelinadi. Ular shahardagi tarixiy maskanlar, Yangi yil bayrami tadbirlari o‘tkazilayotgan joylarda bo‘lishadi. Shuningdek, yosh sayohatchilar uchun teatr va kinoteatrlarda tarixiy spektakllar va badiiy filmlar namoyishi ham rejalashtirilgan.
Haftalikning ilk kunida Samarqand shahrida yashovchi yoshlar uchun sayohat va madaniy dasturlar uyushtirildi.
