ТОШКЕНТ, 2 март. /«Дунё» АА/. "Ўзбеккино" Миллий агентлиги Россиянинг "Мастерская" кинокомпанияси билан ҳамкорликда “Ўзбекистон. Янгиланаётган тарих” ҳужжатли фильми устида ишламоқда, деб хабар бермоқда «Дунё» АА мухбири агентлик маълумотига таяниб.
Ўзбекистон Республикаси Президенти Шавкат Мирзиёевнинг 2020 йил 20 ноябрь куни “Ўзбекфильм” киностудиясига ташрифи давомида берилган топшириқлари ижроси доирасида суратга олинаётган ушбу фильм Ўзбекистон Республикаси мустақиллигининг 30 йиллигига бағишланади. Унда юртимизда амалга оширилаётган иқтисодий ва ижтимоий ислоҳотлар ҳақида ҳикоя қилинади.
Фильм ижодкорлари жорий йил февраль ойида Тошкент шаҳрида тасвирга олиш ишларини амалга оширди.
Маълумот учун, “Мастерская” кинокомпанияси Россиянинг йирик ҳужжатли фильмлар ишлаб чиқарувчи ташкилотларидан ҳисобланади.
Кинокомпания томонидан ишлаб чиқарилган фильмлар “ОРТ” ҳамда “Россия” телеканаллари орқали намойиш этиб борилади.
