Айтиш жоиз, мазкур ўйинлар уч босқичда бўлиб ўтади. Унинг илк босқичи “Тинчлик” басҳлари бугун старт олиб, 2 августгача давом этади. “Спорт” шиори остидаги иккинчи босқич мусобақалари жорий йилнинг 9-26 ноябрь кунлари биринчи босқичда сараланганлар иштирокида ташкил этилади.
Учинчи босқич “Афсона” номи остида декабрь ойида ўтказиладиган мусобақаларда жаҳон рейтингида энг юқори ўринларни эгаллаб келаётган спортчилар билан биринчи ва иккинчи босқичда белгиланган меъёрларни бажарган спортчилар қатнашади.
Ўйинларда 16 та мамлакат спортчилари қаторида Ўзбекистон сув спорт турлари жамоалари ҳам қатнашмоқда.
Ташкилий қўмита хабарига кўра, баҳсларда Россия, Жазоир, Арманистон, Беларусь, Венесуэла, Вьетнам, Сербия, Қозоғистон, Сурия, Судан, Тожикистон, Ўзбекистон, Эквадор мамлакатларининг 1 минг 300 нафар спортчиси иштирок этмоқда.
Унинг ўзига хос жиҳати, мусобақаларда эндигина катта спорт майдонига кириб келган ёшлар билан олимпия ўйинлари ҳамда жаҳон чемпионатининг совриндорлари, ғолиблари ҳам қатнашадики, бу, ёш спортчиларнинг маҳорати юксалишига хизат қилади.
Мусобақалардаги натижалар Халқаро сув спорт турларининг белгиланган рейтинг тизимларида қайд этилади.
Т.Рўзиев, ЎзА
