/“Dunyo” AA/. Prezident Shavkat Mirziyoyevning Tojikistonga amaliy tashrifi yakunlandi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, O‘zbekiston Prezidenti tashrifning birinchi kuni Dushanbeda Tojikiston Prezidenti Emomali Rahmon bilan uchrashdi hamda Markaziy Osiyo davlatlari yetakchilarining beshinchi Maslahat uchrashuvi doirasidagi tadbirlarda ishtirok etdi.
Tashrifning ikkinchi kunida O‘zbekiston Prezidenti Orolni qutqarish xalqaro jamg‘armasi taʼsischi davlatlari rahbarlari kengashi yig‘ilishda nutq so‘zladi.
Tashrif doirasidagi tadbirlar yakunlangach, Prezident Toshkentga jo‘nab ketdi.
