TOSHKENT, 3 oktyabr. /“Dunyo” AA/. Prezident Shavkat Mirziyoyev Indoneziyaning Malang shahridagi “Kanjuraxan” futbol stadionida yuz bergan tartibsizliklar natijasida ko‘plab insonlar nobud bo‘lgani munosabati bilan Indoneziya Prezidenti Joko Vidodoga taʼziya yo‘lladi, deb xabar bermoqda “Dunyo” AA muxbiri davlatimiz rahbari matbuot kotibi Sherzod Asadovning telegram kanalida eʼlon qilingan maʼlumotga tayangan holda.
O‘zbekiston Prezidenti vafot etganlarning oila aʼzolari va yaqinlariga hamdardlik bildirdi, jarohatlanganlar tez orada shifo topishini tiladi.
“Reuters” agentligi tarqatgan so‘nggi maʼlumotlarga ko‘ra, 1 oktyabr kuni Indoneziyaning Malang shahridagi futbol o‘yinidan keyingi tartibsizliklar natijasida 174 kishi halok bo‘lgan, 180 kishi jarohatlangan.